L’agrupación política UNIDÁ vien de presentar nel Rexistru unes alegaciones –sofitaes por un centenar de persones- a la Central de Ciclos Combinados que quieren asitiar en terrenos de Dupont en Nubleo-Corvera.
Ente les esixencies d’UNIDÁ hai que destacar qu’una central d’estes característiques ye innecesaria anguaño, dao que n’Asturies somos escedentarios n’enerxía. Hai que decir, amás, qu’esisten una riestra de directrices por parte de la Unión Europea p’acercar esta triba d’empreses xeneradores d’enerxía a los potenciales consumidores, col oxetivu d’amenorgar costos ya impautos negativos na construcción de nueves llínies d’AT (Alta tensión), xestión de residuos, construcción de nuevos gasoductos,etc.
Per otru llau, UNIDÁ alega considerando’l problema que puede trayer a los ciudadanos la xeneración de nueves emisiones contaminantes, que sumaes a les yá esistentes supón un seriu perxuiciu pa los mesmos y tamién pa los cultivos y la industria ganadera esistente na fastera.. La cercanía d’esta central a los núcleos urbanos ( Nubleo, 300m., Cancienes a 700m.) nun cumple la llexislación vixente (RAMINP), dao qu’esti tipu d’industria tien d’instalase polo menos a 2Kms. de cualisquier núcleu poblacional.
Nun hai qu’escaecer l’ Humedal de la Furta, que ye Zona Especial de Protección de Aves (ZEPA), cola presencia de delles especies, dalgunes en peligru d’estinción.
UNIDÁ camienta que la empresa (Asturias de Generación de Electricidad, S.L.) actuó de mala fe cola presentación d’estes alegaciones xusto nel mes d’agostu (publicáronse nel BOPA del 31-VII-2007 y hai un mes de plazu p’alegar al EIA), una mala época pa que los ciudadanos puedan tener accesu a esta información, y amás presentó un informa pa impautu ambiental xusto nes mesmes feches, estudios que suelen presentase en feches estremaes pa la so posterior revisión. Nesti casu, déxase solo hasta´l 7 de setiembre como períodu hábil pa laa presentación d’alegaciones.
N’UNIDÁ siguiremos faciendo actividaes pa informar a la sociedá de lo innecesario d’esti proyeutu y los problemes mediuambientales que puede ocasionar a los vecinos.
Ente les esixencies d’UNIDÁ hai que destacar qu’una central d’estes característiques ye innecesaria anguaño, dao que n’Asturies somos escedentarios n’enerxía. Hai que decir, amás, qu’esisten una riestra de directrices por parte de la Unión Europea p’acercar esta triba d’empreses xeneradores d’enerxía a los potenciales consumidores, col oxetivu d’amenorgar costos ya impautos negativos na construcción de nueves llínies d’AT (Alta tensión), xestión de residuos, construcción de nuevos gasoductos,etc.
Per otru llau, UNIDÁ alega considerando’l problema que puede trayer a los ciudadanos la xeneración de nueves emisiones contaminantes, que sumaes a les yá esistentes supón un seriu perxuiciu pa los mesmos y tamién pa los cultivos y la industria ganadera esistente na fastera.. La cercanía d’esta central a los núcleos urbanos ( Nubleo, 300m., Cancienes a 700m.) nun cumple la llexislación vixente (RAMINP), dao qu’esti tipu d’industria tien d’instalase polo menos a 2Kms. de cualisquier núcleu poblacional.
Nun hai qu’escaecer l’ Humedal de la Furta, que ye Zona Especial de Protección de Aves (ZEPA), cola presencia de delles especies, dalgunes en peligru d’estinción.
UNIDÁ camienta que la empresa (Asturias de Generación de Electricidad, S.L.) actuó de mala fe cola presentación d’estes alegaciones xusto nel mes d’agostu (publicáronse nel BOPA del 31-VII-2007 y hai un mes de plazu p’alegar al EIA), una mala época pa que los ciudadanos puedan tener accesu a esta información, y amás presentó un informa pa impautu ambiental xusto nes mesmes feches, estudios que suelen presentase en feches estremaes pa la so posterior revisión. Nesti casu, déxase solo hasta´l 7 de setiembre como períodu hábil pa laa presentación d’alegaciones.
N’UNIDÁ siguiremos faciendo actividaes pa informar a la sociedá de lo innecesario d’esti proyeutu y los problemes mediuambientales que puede ocasionar a los vecinos.
No hay comentarios:
Publicar un comentario