UNIDÁ alegara contra la Central de Gas de Nubleo

UNIDÁ alegará contra l’EIA de la Central de Cliclos Combinaos de Nubleo por considerala nociva pa la salú de los vecinos, amás de ser un proyectu ensin valor p’Asturies por ser excedentarios d’enerxía.
Pa UNIDÁ la nueva central de Nubleo ye contraria al espíritu y los obxectivos del Protocolu de Kyoto al aumentar coles sos emisiones de NO2 y SO2 la contaminación existente na zona, que ye zona de atmósfera contaminao, polo tanto afecta negativamente la reducción de gases contaminantes marcaos nel Protocolu de Kyoto.

La utilidá pública nun se xustifica pola demanda existente n’Asturies, actualmente excedentaria en producción elléctrico, en tou casu sedría más interesante l’emplegu de fontes de enerxía renovable non contaminantes. La lluvia ácido que pueden acompañar les emisiones de NO2 y SO2, asina como l’aumentu del Ozono troposféricu afectaríen negativamente a otres actividaes más sostenibles de la zona como l’agricultura y la ganadería. Les emisiones de NO2 y SO2 pueden incidir negativamente nel patrimoñu cultural y etnográficu de la zona, acelerando los procesos d’erosión de la piedra (Rehabilitación de la que fuera Casa Conceyu de Corvera). Estes emisiones pueden afectar tamién, de xeitu negativu, la salú de los ciudadanos. La existencia de zones declaraes como ZEPA (Humedal de La Furta) a escasa distancia y la previsible afección a los sos valores ambientales de los conteminantes que xenere, asina como les instalaciones que vienen de la so mano como tendíos elléctricos d’alta tensión, caminos, gaseoductu, …

UNIDÁ promoverá acciones pa informar a la sociedá de los prexuicios que puede suponer la ubicación d’una central d’estes característiques en Corvera.