UNIDÁ entama nuea andadura política na Comarca Avilesina.

El pasau Sabadu aconceyaronse en Les Vegues nuna primer Asamblea comarcal dellos/es militantes d’UNIDÁ pa entamar una nuea andadura política nos conceyos d’Avilés, Corvera y Castrillón. Nestí primer aconceyamientu comarcal trataronse los finxos nos que va trabayar esta nuea coalición política formada por dellos partios nacionaliegos d’izquierda. Amás conto cola presencia de German Abad, cabezaleru pola circunscripción oriental nes pasaes elecciones por UNIDÁ e Ignacio Llope, candidatu a la Presidencia d’Asturies por UNIDÁ pola circunscripción central.

Valorose como un buen momento pa entamar a trabayar nos conceyos respectivos y n’afitar mecanismos pa desendolcar el trabayu comarcalmente, ya que vese la necesidá d’ofertar a los ciudadanos una oción política que puxe pola comarcalización de ciertes infraestructures ( PXOU conxuntos, apropiaos a les necesidaes de la comarca, enllaces ferroviarios,… ) y servicios que se tan ofertando angüañu por separtau.

Nos prósimos dies s’alcordara la llínea política y organizativa de trabayu na comarca avilesina, d’alcuerdu a los finxos algamaos ente les formaciones polítiques que formen UNIDÁ nes pasaes elleiciones, amás d’alcordar una fecha pa facer un primer actu oficial y elexir los cargos de representación d’estí proyeutu políticu que marca como oxetivos cimeros ser una referente na política comarcal y asturiana.