Quinta sanción escontra Dolabay-Erma SA de la CHN

Alrodiu d’una denuncia fecha por UNIDÁ y dellos vecinos de la fastera, la promotora del SAPU VI de Truyés recibió esta selmana un expediente sancionador incoao pola parte de la Confederación Hidrográfica del Norte (CHN) por vertios al regueru Truyés y al Ríu Alvares ensin la preceptiva autorización administrativa d’estí organismo de cuenca.

Pá UNIDÁ estí nueu expediente supon una vergoña facia los vecinos de la zona y sobro too al medioambiente pola parte la promotora Dolobay-Erma SA-Grupo Proinasa, qu’atenta una y otra vegada contra l’ecosistema de la zona y perjudica notablemente a la población llocal.

UNIDÁ espera que la corporación municipal d’angüañu actue inmediatamente ante la gravedad del casu y vaya a la gueta d’una solución a los desperfectos que ta produciendo día tres día la promotora qu’atenta medioambiental, social y culturalmente contra la zona.

Cabe remembrar que la promotora s’alcuentra angúañu inmersa nuna falta contra’l padremuñu cultural, denunciau por ACA (Agrupación de Colectivos Asturianos) a través de la Plataforma La Foz del Pielgu por baltiar illegalmente dos horros xunios pol mesmu corredor y una panera en Truyés. Nesti asuntu tamién s’alcuentran inmersos la exalcaldesa en funciones, Ana Belén Toro y el xefe del serviciu de Padremuñu Cultural del PPAA, Ignacio Alonso.